Мали шимолидаги Тимбукту вилоятида жангарилар томонидан ҳарбийлар қароргоҳига уюштирилган ҳужум натижасида ўн нафар аскар ҳалок бўлди. Бу ҳақда «РИА Новости» хабар бермоқда.
«3 август, душанба куни Гурма-Рарус шаҳридаги ҳарбий базага ҳужум уюштирилди, оқибатда ўн нафар аскар ҳалок бўлди. Ҳозирги вақтда ҳодиса юзасидан тергов олиб борилмоқда», — деди армия вакили.
Эслатиб ўтамиз, 2 август, якшанба куни ҳам Мали армияси карвонига ҳужум уюштирилган, оқибатда икки аскар ҳалок бўлиб, тўрт нафари тан жароҳати олганди.
Маълумот учун, Малининг шимолий қисми айирмачилар томонидан назорат қилинмоқда. БМТ Хавфсизлик кенгаши қарори билан мамлакатга 11 минг нафардан ортиқ БМТ тинчликпарварлари киритилган. Бундан ташқари, БМТ ХК рухсати билан, Франция армиясининг 4 минг кишилик контингенти ҳам Малида турибди.
Изоҳ (0)