Зимбабвенинг тимсоли ҳисобланган, аввалроқ ўлдирилган Сесил лақабли шернинг укаси — шер Жерико браконьерлар қўлида ҳалок бўлди. Бу ҳақда «Vesti.ru» хабар бермоқда.
Зимбабведаги Ёввойи табиатни муҳофаза қилиш гуруҳи раиси Жонни Родригеснинг маълум қилишича, Жерико 1 август, шанба куни маҳаллий вақт билан 16:00 да отиб ўлдирилган.
Ававалроқ бадавлат америкалик Уолтер Палмер Зимбабве тимсоли ҳисобланган Сесил лақабли шерни Хванге миллий боғида арбалетдан яралаб, 40 соатдан сўнг уни ўқотар қуролдан отиб ўлдиргани маълум бўлганди.
Ҳозирги вақтда Палмерга бу ишда ёрдам бериб, 50 минг доллар миқдорида мукофот пули олган маҳаллий ёрдамчиларга нисбатан браконьерлик моддаси бўйича айблов эълон қилинган, америкаликнинг ўзи эса Сесилни лицензиясиз отиб ўлдирганликда гумон қилинмоқда.
Изоҳ (0)