АҚШ президенти сайловида республикачиларни қўллаб-қувватловчи мустақил гуруҳлар ҳозирга қадар номзодларнинг сайловолди фонди учун 272,5 миллион доллар тўплашга муваффақ бўлди. «Kommersant.ru»нинг қайд этишича, номзодларнинг ўзи бор-йўғи 67,2 миллион доллар йиға олган.
Демократик партия расман Республикачилардан кўп ҳам ортда қолмаган — 64,6 миллион доллар тўпланган, бироқ демократларни қўллаб-қувватловчи мустақил гуруҳлар ҳозирги қадар фақат 15,9 миллион доллар йиға олган.
Энг кўп маблағни Жеб Буш йиққан — уни қўллаб-қувватловчи гуруҳга йирик ҳомийларнинг ярми пул ўтказиб берган. Натижада у ташвиқот ишлари натижасида 11,4 миллион, ўзининг бадавлат тарафдорлари ҳисобидан эса 108,5 миллион доллар тўплаган.
Республикачилар партиясидаги унинг энг яқин рақобатчиси, сенатор Тед Круз эса мос равишда 14,3 миллион ва 37,8 миллион тўплаган. Сайловнининг ҳақиқий сенсациясига айланган миллиардер Дональд Трамп эса 2 миллион доллардан камроқ пул олган.
Демократлар орасида эса пул тўплаш бўйича АҚШнинг собиқ давлат котиби Ҳиллари Клинтон биринчи бўлиб турибди. Ҳомийлардан тушган пулларниннг деярли барчаси (15,6 миллион доллар) унга тегишли. Айни вақтда, ташвиқот ишларида Клинтон хоним республикачи-рақиби Жеб Бушга қараганда яхшироқ ишламоқда: у Бушдан деярли тўрт баравар кўп — 47,1 миллион доллар тўплаган.
Изоҳ (0)