Европа Иттифоқи 1,5 яшар болакай нобуд бўлишига олиб келган Иордан дарёси чап қирғоғидаги фаластинликлар уйига ўт қўйилишини қоралайди ва зудлик билан ушбу фожиа тафсилотларини ўрганишга чақиради. Бу ҳақда ЕИ ташқи ишлар олий вакили Федерика Могерини номидан тарқатилган баёнотда таъкидланган, дея хабар беради «РИА Новости».
31 июль, жумага ўтар кечаси номаълум кимсалар Иордан дарёси чап қирғоғидаги фаластинликлар қишлоғидаги уйга ўт қўйган. Бир ярим яшар бола ҳаётдан кўз юмди, унинг ота-онаси ва 4 ёшли акаси оғир куйиш жароҳатлари билан касалхонага ётқизилди.
Исроил маъмурлари қишлоққа ҳужумни теракт деб баҳолади ва бунга айбдор бўлганларни тезроқ топиш учун барча имкониятни ишга солишга ваъда берди. Фаластин эса мазкур ҳодиса ва Исроилнинг босиб олинган ҳудудлардаги хатти-ҳаракатлари юзасидан Халқаро жиноий судга мурожаат этишга қарор қилди.
Изоҳ (0)