Украина Конституциявий суди мамлакатда ҳокимиятни номарказлаштириш тўғрисида Конституцияга киритилаётган ўзгартиришларни маъқуллади. Ушбу ўзгартиришлар Донбассдаги ихтилофларни тинч йўл билан ҳал этишга қаратилган Минск келишувларига асосан ишлаб чиқилган. Бу ҳақда Meduza хабар бермоқда.
Ислоҳотлар ҳозирда президент томонидан тайинланаётган вилоят маъмурияти раҳбари (губернатор) лавозимини бекор қилиб, ўрнига давлат раҳбари ҳукумат тақдимига кўра тайинлайдиган префект лавозими жорий этишни кўзда тутади. Уларнинг ваколатлари губернаторларга нисбатан чекланган бўлади. Вилоят ва туманларни тезкор бошқариш эса маҳаллий қонун чиқарувчи йиғилишлар (рада) шакллантирадиган ижро қўмиталарига ўтади.
Конституциявий суд маъқуллаган ўзгартиришлар Украина Олий Радасида кўриб чиқилиши керак.
Изоҳ (0)