Россиялик журналистлар Москвадаги Шереметьево аэропортида шу йилнинг май ойи охирларидан бери яшаётган Япония фуқароси Тэтсуя Або ҳақида хабар топди. НТВ телеканали билан суҳбатда у ватанига қайтмаслик истагини сиёсий сабаблар билан боғлади. Бу ҳақда «РБК» маълум қилмоқда.
Або журналист эканлиги ва Японияда ёлғон айблов билан қамалиб чиққанини маълум қилиб, уйига қайтиш нияти йўқлиги, унга Россия фуқаролиги берилишида ёрдам кўрсатишни сўраган.
36 ёшли япониялик аэропортда яшаётганини Шереметьевода ҳам тасдиқлашди. «Япония фуқароси шахсий маблағи ҳисобига истиқомат қиляпти ва бизда унга нисбатан шикоят йўқ. У қонунларни бузмаяпти, шунга кўра, уни аэропорт ҳудудидан чиқариб юбориш учун асос кўрмаяпмиз», — дея таъкидлаган Шереметьево вакили.
Изоҳ (0)