«Роскосмос» сентябрда Халқаро космик станцияга йўл оладиган экспедициянинг асосий ва дублёрлик қилувчи экипажини тузди, дея хабар бермоқда «Газета.ru».
Экипаж командири этиб Сергей Волков тайинланди. У билан бирга европалик астронавт Андреас Моргенсен, шунингдек британиялик қўшиқчи Сара Брайтманнинг ўрнини эгалловчи қозоғистонлик космонавт Айдин Айимбетов учади.
Дублёрлик қилувчи экипаж таркибида эса россиялик космонавт Олег Скрипочка, европалик астронавт Томас Пике, шунингдек космонавт Сергей Прокопьев бор.
Эслатиб ўтамиз, аввалроқ ушбу экспедиция таркибига британиялик қўшиқчи Сара Брайтман кириши режалаштирилган эди. Хонанда бунинг учун машғулотларга киришган эди, бироқ май ўрталарида оилавий шароити туфайли парвоздан воз кечган эди.
Экипажда Брайтмандан бўшаган жой учун япониялик бизнесмен Сатоси Такамацу, шунингдек профессионал космонавт бўлган, бироқ парвоз тажрибасига эга бўлмаган россиялик Сергей Прокопьев ва қозоғистонлик Айдин Айимбетов даъвогарлик қилаётган эди. Кейинроқ Такамацу ҳам парвозини бекор қилди.
Изоҳ (0)