Хитой пойтахтида полиция қалбаки iPhone тайёрланадиган, олтита ишлаб чиқариш линиясида юзлаб ишчи-ходимлар меҳнат қилаётган йирик корхонани ёпди. Бу ҳақда Reuters маълумотларига асосланиб, «Корреспондент.net» хабар бермоқда.
Бу ерда умумий қиймати 19 миллион долларга баҳоланган 40 мингдан зиёд алоқа воситаси йиғилган. Полиция 9 киши, жумладан, «хизмат кўрсатиш маркази» ниқоби остидаги корхонани бошқараётган эр-хотинни ҳам қамоққа олди.
Текширувлар америкалик маъмурларнинг АҚШ ҳудудида сохта iPhone сотилаётгани ҳақидаги баёнотларидан сўнг бошланган. Рейд давомида полиция томонидан 1400 га яқин қўлбола смартфон мусодара этилган.
Изоҳ (0)