Польшанинг энг бадавлат одами Ян Кульчик вафот этди. Reuters агентлиги Kulczyk Holding расмий вакили Марта Висоцкага асосланиб хабар беришича, миллиардер жарроҳлик амалиётидан сўнг, 65 ёшида вафот этган.
Агентлик манбасининг сўзларига кўра, Кульчик режа бўйича хорижда даволанаётган эди. Польшанинг TVN24 телеканали хабарига кўра, ишбилармон Австрия пойтахти Венада вафот этган.
Forbes маълумотларига кўра, Кульчикнинг бойлиги 3,9 миллиард долларга тенг эди. Ciech кимё компанияси, энергетика соҳасидаги Polenergia ва Serinus Energy ширкатлари, бир қатор нефт ва газ фирмалари ҳамда пиво ишлаб чиқарувчи SABMiller компаниясида миллиардернинг улуши бор эди.
Миллиардернинг биринчи никоҳидан икки фарзанди — Доминика ва Себастьян бор. Ўғли 2013 йили Kulczyk Investments ижрочи директори этиб тайинлангач, отасининг ишларини юритиб келаётган эди.
Изоҳ (0)