Дания Европа Иттифоқи маъмурларидан янги автомобиль-темирйўл туннели қуришга рухсат олди. Бу ҳақда BBC маълумотларига асосланиб, «Ведомости» хабар бермоқда.
19 километр узунликдаги янги туннель Болтиқ денгизи остидан ўтади ва Даниянинг Лолланд оролини Германиянинг Фемарн ороли билан боғлайди. Қурилиш 2016 йилда бошланиб, 2024 йили якунланиши, харажатлар эса 8,7 миллиард евро атрофида бўлиши режалаштирилган.
Туннель Даниядан Германияга бориш вақтини қисқартириши кутилмоқда: айни пайтда поезд Копенгагендан Гамбурггача беш соат юради, янги йўл очилгач эса бу муддат уч соатга камаяди.
Изоҳ (0)