25 июль куни Тошкентнинг «Пахтакор» марказий стадионида Ўзбекистон миллий терма жамоаси Ўзбекистон олимпия терма жамоасига қарши ўртоқлик учрашуви ўтказди. Бу ҳақда Ўзбекистон футбол федерацияси матбуот хизмати хабар бермоқда.
Ушбу ўйин Самвел Бабаян бошчилигида ўтказилган илк йиғиндаги сўнгги назорат учрашуви эди. Виктор Жалилов бошчилик қилаётган Ўзбекистон У-23 терма жамоасига қарши кечган учрашувда мамлакатнинг бош жамоаси 2:0 ҳисобида ғалаба қозонди.
Ҳар икки гол ҳам танаффусдан кейин киритилди. Дастлаб, учрашувнинг 66-дақиқасида Сергеевнинг дарвоза томон йўллаган зарбасидан кейин қайтган тўп Одил Ҳамробековнинг оёғига келиб тушди ва у бўш қолган дарвозани аниқ нишонга олиб, ҳисобда миллий терма жамоани олдинга олиб чиқди.
Ўйиннинг 71-дақиқасида эса Жасур Ҳасановнинг тўп узатишидан сўнг Темурхўжа Абдухолиқов аниқ зарба йўллаб, ҳисобни 2:0 кўринишига олиб келди. Бу ҳисоб ўйин якунига қадар ўзгармади.
Ўзбекистон миллий терма жамоаси июль ойидаги йиғинини якунлади ва кейинги йиғин 27 августдан бошланади.
Эслатиб ўтамиз, ушбу жамоалар иштирокидаги дастлабки учрашувда 1:1 ҳисоби қайд қилинганди.
Назорат ўйини
Ўзбекистон МТЖ — Ўзбекистон ОТЖ — 2:0 (0:0)Голлар: Одил Ҳамробеков (66), Темурхўжа Абдухолиқов (71).
Ўзбекистон МТЖ: 12.Александр Лобанов (1.Элдор Суюнов, 46), 2.Егор Кримец, 8.Шерзод Каримов (25.Достон Ҳамдамов, 50) (20.Шохрух Гадоев, 80), 11.Игорь Сергеев (10.Баҳриддин Ваҳобов, 80), 13.Даврон Хошимов, 14.Акбар Исматуллаев (14.Жавлон Мирабдуллаев, 72), 16.Илҳом Шомуродов (9.Темурхўжа Абдухолиқов, 46), 15.Станислав Андреев (5.Одил Хамробеков, 65), 17.Жавоҳир Соҳибов, 19.Элдор Шомуродов (18.Александр Мерзляков, 65), 23.Фаррух Сайфиев (22.Жасур Хасанов, 65).Захира: 21.Акбар Тўраев, 7.Владимир Козак,
Ўзбекистон ОТЖ: 21.Абдукарим Мухаммедов (12.Аброр Каримов, 32),16.Сирожиддин Рахматуллаев, 5.Достон Турсунов, 20.Мухсин Убайдуллаев, 2.Акром Комилов, 4.Музаффар Музаффаров, 18.Сардор Собирхўжаев, 6.Аббос Махсталиев (23.Диёр Туропов, 50), 13.Дониёр Исмоилов, 10.Сергей Рекун (29.Шохрух Достонов, 50), 8.Мурод БобожоновЗахирадан тушганлар: 1.АбдумавлонАбдужалилов, 17.Максимилиан Фомин, 3.Сардор Рахманов, 9.Отабек Шукуров,7.Жаҳонгир Абдумўминов, 11.Жасур Хакимов, 22.Қувондиқ Рўзиев, 19.Забиҳилло Ўринбоев.
Изоҳ (0)