Украиналик боксчи Владимир Кличко таниқли актёр Леонардо Ди Каприонинг Франция жанубидаги Сен-Тропе шаҳрида бўлиб ўтган хайрия оқшомида фахрий меҳмон бўлди. Бу ҳақда «Сегодня.ua» хабар бермоқда.
Голливуднинг 40 ёшли актёри Леонардо Ди Каприонинг хайрия оқшомида Кейт Хадсон, Жоан Коллинз, Сильвестр Сталлоне, Орландо Блум, Эдриан Броуди каби Голливуд актёрлари, Ирина Шейк, Наташа Поли, Наоми Кемпбелл, Хайди Клум каби моделлар ва ҳатто Монако князи Алберт ҳам меҳмон бўлди.
Украиналик чемпион Владимир Кличко оқшомга турмуш ўртоғи Хайден Панеттерисиз келди ва ўзини Голливуд актёрлари, хусусан, Сильвестр Сталлоне билан танишмоққа бағишлади.
Оқшом мезбони Леонардо Ди Каприо хайрия кимошди савдосида ўзининг Ролех Дайтона соати, Элтон Жон билан хос концерт уюштириш имконияти, Мадоннанинг саёҳат концертларини ичидан кузатиш имкони ва ҳатто Белиздаги шахсий оролидаги экоқароргоҳни сотди.
Актёрнинг дўстлари анча сахий бўлиб чиқди — уларнинг ёрдами билан 40 миллион доллардан ортиқ маблағ тўпланди, мазкур пуллар табиат ҳимояси билан шуғулланувчи ташкилотни молиялаштириш учун йўналтирилади.
Изоҳ (0)