Россиянинг «Газпром» компанияси Босниянинг «Борац» клуби учун ҳар йили икки миллион евро миқдорида сармоя киритиш ниятида. Бу ҳақда Meduza хабар бермоқда.
Бу борада якуний битим имзоланганича йўқ, бироқ музокаралар ҳақида «Борац» директорлар кенгаши раиси Драшко Илич маълум қилди.
Унинг сўзларига кўра, клуб Босния Серб Республикаси (Босния ва Герцеговинадаги ҳудуд)нинг етакчи спорт брендига айланиш ниятида.
«Борац» футбол бўйича Босния ва Герцеговина чемпионатининг ўтган мавсумида пешқадам «Сараево»дан 17 очкога ортда қолгани ҳолда бешинчи ўринни эгаллаган.
«Газпром» спортга, биринчи галда футболга фаол инвестиция киритиб келади. Компания Санкт-Петербургнинг «Зенит» клубига эгалик қилади, Сербиянинг «Црвена Звезда», Германиянинг «Шальке-04», Англиянинг «Челси» ва УЕФА Чемпионлар лигасининг ҳомийси ҳисобланади.
Изоҳ (0)