АҚШ президенти Барак Обама Кенияга ташрифи давомида она қишлоғи Когелога ўз қариндошларини кўргани бормайди. Бу ҳақда Американинг Найробидаги элчиси Роберт Годеч маълум қилди, деб хабар беради «Korrespondent.net».
ОАВ хабарига кўра, Сара Обама набирасининг бу қароридан хафа бўлмаган.
«У менинг эмас, президент Ухуру Кениатанинг меҳмони. У Когелога кела олмайди, аммо барибир ўз уйига қайтмоқда. Ахир у бутун Кениянинг ўғли эмасми?», — деди Сара Обама.
Обама Кенияга 24 июль куни ташриф буюриши кутилмоқда. Африка турнеси давомида Обама қўшни Эфиопияга ҳам боришни режалаштирган.
Бу унинг президентлик давридаги Африка қитъасига 4-ташрифи ҳисобланади. У ўзининг она қишлоғига сўнгги марта 2006 йилда келганди.
Изоҳ (0)