Бугун, 17 июль куни Эстонияга АҚШ сапёрлик батальонининг янги бўлинмаси етиб келади ва мамлакат мудофаа кучлари марказий полигонида баҳордан бери ишлаётган ҳамюртлари билан ўрин алмашади. Бу ҳақда ERR маълумотларига таяниб, «Европейская правда» хабар бермоқда.
АҚШнинг 15-сапёрлик батальони 902-ротаси ҳарбий хизматчилари полигонда тўртта казарма бунёд этган ва оғир техника учун Тапа шаҳригача 5 километрли йўл қурган. Батальоннинг доимий истиқомат жойи эса Германиянинг Графенвере шаҳридаги ҳарбий база ҳисобланади.
Олдинроқ Эстонияда НАТО кучлари ва оғир бронетехникаси учун яна бир ҳарбий полигон қурилиши маълум қилинган эди.
Изоҳ (0)