Буркина-Фасонинг вақтинчалик парламенти мамлакат собиқ президенти Блэз Компаорени давлатга хиёнатда айблаб, судга тортиш тўғрисида қарор қабул қилди. Бу ҳақда «РИА Новости» хабар бермоқда.
Мамлакатни 27 йил давомида бошқарган Компаоре келгуси муддатга сайланиш учун Конституцияни ўзгартиришга урингач, пойтахт Уагадугуда бошланган норозилик намойишларидан сўнг ўтган йил 31 октябрида истеъфо берган эди. Қўшни Кот-д’Ивуарда яшаётган собиқ президентдан ташқари унинг ҳукуматидаги қатор вазирларга ҳам шундай айблов қўйилган.
Буркина-Фасо сиёсий партиялари ва фуқаролик бирлашмалари шу йил октябрида президентлик ва парламент сайловларини ўтказиш тўғрисида келишиб олди. Компаоре тарафдорларига бу сайловларда иштирок этиш тақиқланган.
Изоҳ (0)