БМТ Хавфсизлик кенгашига кўриб чиқиш учун берилган Эрон ядро дастури бўйича резолюция лойиҳаси Теҳронга қарши барча санкциялар ўн йилдан сўнг бекор қилинишини кўзда тутади, бунда мамлакат ҳукумати Венада «олтилик» билан эришилган келишувни амалга ошириши шарт қилиб қўйилган. Бу ҳақда «ТАСС» хабар беради.
Ҳужжатга кўра, Атом энергияси бўйича халқаро агентликдан 14 июль куни Австрия пойтахтида қабул қилинган Ҳамкорликдаги кенг қамровли ҳаракатлар режаси (ҲКҲР) асосий қоидаларини бажарганлиги ҳақида маъруза келиб тушиши билан, Хавфсизлик кенгашининг Эрон ядро дастурига тегишли аввалги қарорлари амал қилишдан тўхтайди. Ва чекловнинг янги, кучсизлантирилган режими ўрнатилади.
Шу билан бирга, ҲКҲР қабул қилинганидан ўн йил ўтиб, ушбу резолюция қоидалари амал қилмай қўяди.
Изоҳ (0)