Япония парламенти қўмитаси хорижда жанговар ҳаракатлар олиб бориш тўғрисидаги қонун лойиҳасини маъқуллади

Япония парламентининг қуйи палатаси махсус қўмитаси маъқуллаган қонун лойиҳасига кўра, мамлакат қуролли кучларида хорижда жанговар ҳаракатларни олиб бориш имконияти туғилади. Бу ҳақда Reuters ахборот агентлигига таяниб, «Газета.ru» хабар бермоқда.

Бош вазир Синдзо Абэ ҳукумати бундай ўзгаришлар айни пайтдаги мавжуд вазият, жумладан, тобора кучайиб бораётган Хитой омили туфайли кун тартибига қўйилаётганини маълум қилди. Қонун лойиҳасини ёқламаётганлар  эса бу ҳолат Япония конституциясига зид эканлиги ва мамлакатнинг бутун дунё бўйлаб уруш ҳаракатларида иштирок эта бошлашига сабаб бўлиши мумкинлигини таъкидламоқда.