КХДР элчилари иккала Кореяни бирлаштириш учун шароит яратишга кўмаклашиши керак — Ким Чен Ин

КХДР етакчиси Ким Чен Ин мамлакатнинг чет элдаги дипломатик миссиялари раҳбарларини иккала Корея бирлашиши учун қулай ташқи муҳит яратишда фаол ҳамкорлик қилишга чақирди, деб ёзади «ТАСС».

У бундай нутқ билан Пхеньянда бўлиб ўтаётган халқ республикаси элчиларининг мажлисида чиқиш қилди.

Ким Чен Ин сўзларига кўра, ушбу мажлис шарофати билан КХДР дипломатлари «Корея меҳнат партиясининг ташқи сиёсатини юритиш услубларини муҳокама қилиш имкониятига эга бўлди».