Жанубий Қозоғистон вилоятида тадбиркор Айнаш Убайдуллаева «Қуртафелло» бренди остида қурт савдосини йўлга қўйди, деб хабар бермоқда «Uz24.uz».
«Tengrinews.kz» ёзишича, тадбиркор қимизчилик билан шуғулланиб келган. Интернетдан харидорларни жалб этиш йўлларини излаётганда, «қуртафаэлло» номига кўзи тушган. Ғоя ёқиб қолгач, қимиз эмас, қурт сотишни режа қилган. Унинг айтишича, мамлакат овулларидан келтириладиган қуртлар жуда мазали ва шу боис бренд яратиб, одамларни қизиқтиришни мақсад қилган. Тадбиркор қайд этишича, бир ўрам қуртнинг нархи 250 тенге (1,3 доллар) дан бошланади.
Хабарга кўра, Айнаш Убайдуллаеванинг ўзи график дизайн билан ҳам шуғулланади, шунинг учун янги маҳсулотнинг логотипини яратишда қийинчиликка дуч келмади. Унинг айтишича, Рафаэлло брендидан даъво бўлмайди. Муаллифлик ҳуқуқи бўйича у мутахассислар билан маслаҳатлашган.
Изоҳ (0)