Кремль АҚШ Герхард Шредерни кузатганлиги тўғрисидаги маълумотларни тасдиқлади

АҚШ миллий хавфсизлик агентлиги Путиннинг яқин кишилари доирасига чиқиш учун Германия собиқ канцлери Герхард Шредерни кузатганлиги тўғрисидаги маълумотлар Кремль учун янгилик бўлмади. Бу ҳақда Россия президентининг матбуот котиби Дмитрий Песков маълум қилган, дея хабар берди «РБК» «ТАСС» маълумотларига таяниб.

«Кузатув ҳақида маълум бўлганмиди?» — деган саволга Песков: «Албатта», — дея жавоб берди.

Эслатиб ўтамиз, олдинроқ немис нашрларидан бири бўлган Bild Америка махсус хизматлари Шредер ортидан у истеъфога чиққанидан кейин ҳам кузатишда давом этгани ҳақида хабар берганди. Собиқ канцлер 2005 йилда лавозимини тарк этган, 2006 йил мартидан эса «Газпром»га қарашли Nord Stream AG компанияси акциядорлари қўмитаси раислигини эгаллаганди.