Олдинроқ «Газпром»ни «тўловга қобилиятсиз шерик» деб атаган Туркманистон нефть ва газ саноати давлат портали гап оҳанги бирмунча юмшатилган янги хабарни чоп этди. Бу ҳақда «Korrespondent.net» хабар бермоқда.
«‘Газпром экспорт’ МЧЖ сабабини изоҳламаган ҳолда етказиб берилган Туркманистон табиий гази учун етарлича ҳақ тўламаяпти. Туркманистон томонига Россия энегетика гиганти олинган газ учун тўлиқ тўламаётганлиги боиси номаълум, балки молиявий ҳолат кўнгилдагидек эмасдир», — дейилади баёнотда.
8 июлда Туркманистон «Газпром» Россияга нисбатан жорий этилган санкциялар туфайли табиий газ бўйича шартномалари юзасидан тўловга қобилиятсиз бўлиб қолганлигини маълум қилганди.
Изоҳ (0)