Дубайнинг валиаҳд шаҳзодаси БАА космик агентлигига раҳбар этиб тайинланди

Бирлашган Араб Амирликларида Фазовий тадқиқотлар маркази таъсис этилди, дея хабар бермоқда «Kommersant.ru». Барча лойиҳалар раҳбари ва мутасаддиси этиб Дубайнинг валиаҳд шаҳзодаси шайх Ҳамдан бин Муҳаммад бин Рашид ал Махтум тайинланди.

Агентлик БААнинг космик дастурлари билан шуғулланиб, космик зондни учириш лойиҳасини амалга оширади.

2014 йилда БАА ўз космик агентлигини тузишини, унинг мақсади 2021 йилгача Марсга учувчисиз космик қурилма учириш бўлишини маълум қилган эди. Агар бу амалга оширилса, араб дунёсидаги биринчи шундай лойиҳага айланади.