Украина «Приватбанк»и Қримнинг Россияга қўшиб олиниши оқибатида бой берилган инвестицияларни ҳимоя қилиш тўғрисидаги даъво билан судга мурожаат этди. Банк матбуот котиби Олег Серга иш Гаагада кўриб чиқилишини маълум қилди. Бу ҳақда «РБК»га таяниб, Meduza хабар бермоқда .
Қрим Россияга қўшилгунига қадар банкнинг яриморолда 337 та бўлинмаси бўлган. Даъво миқдори ҳозирча маълум эмас.
8 июль куни Украина бош вазири Арсений Яценюк мамлакатнинг яна бир молиявий муассасаси – «Ошчадбанк» ҳам Россияга нисбатан салкам 700 миллион долларга тенг миқдордаги даъво билан чиққанини маълум қилди. Ҳукумат раҳбари бошқа давлат компанияларини ҳам шундай йўл тутиш ва «Россияни жавобгарликка тортиш»га чақирди.
Изоҳ (0)