Эрон Сурия иқтисодиётини тиклаш учун 1 млрд доллар ажратди

Сурия президенти Башар Асад мамлакатга 1 миллиард доллар миқдоридаги Эрон кредити берилишини маъқуллади. Бу ҳақда давлат раҳбари имзо чеккан фармонни тарқатган SANA ахборот агетлигига таяниб, «ТАСС» хабар бермоқда.

Ҳукуматдаги манбаларга кўра, Эрон Сурияга уруш туфайли издан чиққан иқтисодиётни тиклашда шошилинч ёрдам беради. Шу йил 19 май куни Дамашқда икки мамлакат ўртасида электр энергетикаси, саноат, қурилиш, нефть қазиб олиш ва инвестициялар соҳасида ҳамкорликни ривожлантириш тўғрисидаги битимлар имзоланган эди.