Ўзбекистон «Электрон ҳукумат» тизимини ривожлантириш маркази смартфонлар учун мўлжалланган оммабоп Telegram мессенжерида EGOV гуруҳини очди. Бу ҳақда «Infocom.uz» хабар бермоқда.
Бу гуруҳда янгиликлар эълон қилиб борилади, шунингдек, «Э-ҳукумат» маркази мутахассислари гуруҳ аъзоларининг Ўзбекистонда электрон ҳукуматни ривожлантиришнинг барча йўналишлари бўйича берган саволларига мунтазам равишда жавоб бериб боради.
Эслатиб ўтамиз, «Электрон ҳукумат» тизимини ривожлантириш маркази Ўзбекистонда «Электрон ҳукумат» тизимини жорий этиш ва ривожлантириш мақсадида Вазирлар Маҳкамасининг 2013 йил 16-сентябрдаги қарорига мувофиқ ташкил этилган.
Изоҳ (0)