Ўзбекистон миллий терма жамоаси бош мураббийи Самвел Бабаян 2 июль куни Олий Лига клублари бош мураббийлари билан учрашди. Бу ҳақда ЎФФ матбуот хизматига таяниб, «Uff.uz» хабар бермоқда.
Бунгача Самвел Бабаян журналистлар ва фан-клублар раҳбарлари билан учрашган эди.
«Ўрганишнинг кечи йўқ. Ўрганишдан тортинмайман. Мураббийлар, футболчилар, журналистлар, мухлисларни эшитаман, улардан ўрганаман», — деди Самвел Бабаян.
Олий Лига клублари бош мураббийлари иштирокидаги учрашувда ЎФФ Терма жамоалар маркази раҳбари Асқар Толибжонов, шунингдек, ЎзПФЛ бош директори Фарҳод Магаметов ҳам иштирок этди.
Бабаяннинг фикрича, «Ўзбекистонда футболнинг кейинги ривожи терма жамоаларнинг халқаро мусобақалардаги иштирокига боғлиқ».
«Мен учун ҳар қандай фикр қадрли. Мен ҳаммани эшитишга тайёрман. Худо кўриб турибди, ниятим бир – терма жамоани ЖЧга олиб чиқиш», — деди миллий терма жамоа бош мураббийи.
«Менга ишонч билдирилдими, уни оқлаш учун боримни бериб ишлайман, зеро бу Ватанимизнинг бош жамоаси!», — дея қўшимча қилди Ўзбекистон миллий терма жамоаси бош мураббийи Самвел Бабаян.
Эслатиб ўтамиз, Самвел Бабаян 23 июнь куни Миржалол Қосимовнинг ўрнига Ўзбекистон миллий терма жамоаси бош мураббийи этиб тайинланганди.
Изоҳ (0)