Facebook’даги «Potrebiteli.uz» гуруҳи аъзоларидан бири ичида пуллари ва пластик карточкаси билан йўқолган ҳамёнини топиб берган Тошкент шаҳар Қўриқлаш Бошқармаси 1-алоҳида баталёни майори Эргашев Баҳодир Шавкатовичга миннатдорчилик билдириб хабар қолдирди.
Қайд этилишича, аёл таксига чиқаётганида ҳамёнини тушириб қолдирган. Унинг ичида катта миқдордаги пул, «Трастбанк» томонидан берилган пластик карточка ва кичик сурати бўлган. Аёл эътиборсизлиги учун ўзини койиб, «ўтган ишга саловат» дея ўзини тинчлантиришни бошлаган.
Шу вақтда унга «Трастбанк»дан қўнғироқ қилиб, милиционер Елена исмли аёлга тегишли пластик карточка ва ҳамённи банкка олиб келганини маълум қилишган. Банкда аёлнинг сурати унинг асли билан солиштирилганидан сўнг, майор Эргашевнинг ўзи унга йўқотганларини қайтариб берган.
Хабар остида изоҳ ёзган фойдаланувчилар милиция майорини мақтов остида қолдирди.
Изоҳ (0)