Ёз мавсуми саёҳат қилиш, анчадан бери режалаштирилган таътилни мароқли ўтказиш ва ҳордиқ олишнинг айни вақти. «Popcorn.uz» нашри ўзбек санъаткорларининг таътил онлари муҳрлаган фотосуратларни тақдим этди.
Мафтункор Шаҳзода оиласи билан Европанинг жанубида, денгиз бўйида жойлашган Монако давлатида мазмунли ҳордиқ олмоқда. Фарзандлари Солиҳ ҳамда жажжигина Ҳолид билан бирга ўтаётган энг ёрқин дақиқалари фотосуратларда акс эттирилган.
«Шаҳзод» ансамбли яккахони Рашид Холиқов эса шоу-бизнес оламида ижод қилаётган бир қатор яқин дўстлари билан бирга океан ортига саёҳатга чиққан. Нью-Йорк, Майами энди эса Калифорнияда таътилни давом эттираётган Рашид Холиқов ўз суратлари билан бирга қисқа видеоларини ҳам ижтимоий сайтларга жойлаштирмоқда.
Райҳон ҳамда «Садо» ансамбли яккахони Акбар биргаликда оила ва фарзандлари билан Анталияда мароқли ва мазмунли вақт ўтказмоқда. Уларнинг орасидаги бир неча йиллик дўстлик муносабатлари оилавий дўстликка уланиб кетган.
Хушовоз хонанда Алишер Рўзметов эса волидасини ҳушнуд этиб, Туркиянинг бир неча шаҳарларини зиёрат эттирмоқда. Истанбул ва Анталия шаҳарларида бўлган хонанда яна бир неча кунлик саёҳатни бошқа шаҳарларда ҳам давом эттириш ниятида.
Азиз Ражабий ҳам оиласи билан Туркия сафарида бўлди. Фарзандларининг таътил кунларини ажойиб ва узоқ вақтлар ёқимли хотираларга айлантириб, бир дунё таассуротлар билан қайтди.
Ўзбек эстрадасининг ёрқин намоёндаси Зиёда турмуш ўртоғи Элдор, ўғилчаси ва оила аъзолари билан Туркияда Bellis Deluxe Hotel меҳмонхонасидан жой олган.
«Шарқ» вокал-чолғу ансамбли солистлари Сарвар ҳамда Татьяна ҳам Туркия бўйлаб кезмоқда. Истанбулнинг энг кўзга кўринган масканларини томоша қилиб, энди Анталияга Оқ денгиз бўйига йўл олди.
Шоу-бизнеснинг яна бир ёрқин вакиласи Муниса Ризаева ёз мавсумидаги таътил онларини Франциянинг Кан шаҳрида ўтказишни хуш кўради. Ҳар йили шу манзилда яқин дугоналари билан ҳордиқ оладиган хонанда жорий йилда ушбу анъанани бузиб, оила аъзолари билан таътилни ўтказмоқда.
Изоҳ (0)