Америкалик таниқли режиссёр Оливер Стоун ўзиниг «Сноуден» деб номланган янги фильми илк реклама ролигини тақдим этди. Америка нашрлари фикрича, ролик таъсирли ва оригинал чиққан, дея хабар бермоқда «ТАСС».
Шундан сўнг камера аста-секин байроқдан узоқлаша бошлайди ва шунда байроқ аслида тўнкарилган ҳолатда тургани маълум бўлади. Шу билан бир вақтда экранда қуйидагича ёзув пайдо бўлади: «Бутун миллат кузатув остида, озодлик ва адолат ҳамма учун».
«Анъанага кўра, давлат байроғининг тўнкарилган ҳолатда туриши энг фалокатли ҳолатни билдиради», - деб ёзади New York Times газетаси. Айни вақтда, нашрнинг қайд этишича, кўпчилик АҚШнинг асосий давлат рамзларидан бирига нисбатан бундай муносабатни ҳурматсизлик сифатида қабул қилади.
Оливер Стоун фильмни суратга олиш ишларини 2015 йилнинг май ойида якунлаган. Эдвард Сноуден ролини актёр Жозеф Гордон-Левитт ижро этган. Картина 25 декабрь куни АҚШ прокатига чиқарилади.
Изоҳ (0)