Гус Хиддинк Голландия Қироллик футбол иттифоқи билан шартномани бекор қилди ва мамлакат терма жамоаси бош мураббийлигидан истеъфо берди, деб хабар қилади «Olamsport.com».
Бор-йўғи бир йил бош мураббийлик лавозимида ишлаган Гус 1 июль кунидан расман ишдан кетади.
Эслатиб ўтамиз, Хиддинк 2014 йили ёзда Луи ван Галдан Голландия терма жамоасини қабул қилиб олган эди. Айнан ван Гал қўл остида жамоа Бразилиядаги жаҳон чемпионатида бронза медалига сазовор бўлганди. Лекин ҳамкасби каби ижобий натижаларни қайд этиш Хиддинкка насиб этмади.
Унинг қўл остида 10 та учрашувда майдонга тушган Голландия бор-йўғи 4 та ўйинда ғалаба қозонди. Айни пайтда голландлар Евро-2016 саралаш гуруҳ босқичида пешқадам Исландиядан 5 очкога ортда қолишяпти.
Изоҳ (0)