АҚШнинг Бостон шаҳри суди мажлисида Жохар Царнаевга расман ўлим жазоси ҳукми эълон қилинди, деб хабар бермоқда «Газета.ru». Ҳукмни эълон қилиш вақтида судья Царнаев ҳар доим «иблис тимсоли» бўлиб қолишини маълум қилган.
Қайд этилишича, Царнаевга маънавий зарарлар учун жарима солинмайди, бироқ у суд харажатларини тўлаши лозим. Ўзининг сўнгги сўзида у теракт қурбонларининг қариндошларидан кечирим сўраган.
Эслатиб ўтамиз, 2013 йил 15 апрель куни Бостондаги марафон чоғида портлаш оқибатида уч киши ҳалок бўлган. Терактни содир этганликда айбланган Тамерлан Царнаев полициячилар томонидан отиб ўлдирилган, укаси Жохар эса қўлга олинган.
Изоҳ (0)