Samsung «империяси меросхўри», Samsung Electronics вице-президенти ва гуруҳ президентининг ягона ўғли Ли Чже Ён Яқин Шарқ респиратор синдроми (MERS) коронавирусининг тарқалиш манбаси компаниянинг Сеулдаги тиббий маркази бўлгани учун узр сўради, деб ёзади «Ведомости».
MERS’ни юқтириб олиш ҳолатларининг кўпчилиги айнан шу касалхона билан боғлиқ. Ли Чже Ён Samsung вирусга қарши курашишда ҳукумат билан ҳамкорлик қилишга тайёрлигини маълум қилди.
Унинг айтишича, касалхона вирус юқтириш ҳолатларини диққат билан текширади ва улар такрорланмаслиги учун чоралар кўради.
Нашр эслатишича, Жанубий Кореяда MERS коронавируси билан касалланиш бўйича биринчи ҳодиса 20 май куни Samsung тиббий маркази беморида қайд этилган эди.
Изоҳ (0)