Samsung компаниясининг Аргентина бўлими йўллардаги энг хавфли ҳаракатлардан бири — улкан юк машиналарини қувиб ўтишда хавфсизликни таъминлаш учун жуда оддий, лекин бир пайтнинг ўзида ажойиб ғоя таклиф қилди, деб хабар бермоқда «Hi-News.ru».
Тажриба сифатида Samsung ўз юк машиналарининг олд қисмига камера, орқасига эса бир нечта экран ўрнатди. The Safety Truck тизимида камералар туширган тасвир реал вақт режимида орқадаги экранда намойиш этилади ва ҳайдовчилар улкан юк машинасининг олди бўшлиги, шунингдек қарама-қарши йўналиш ҳам бўшлигига амин бўлган ҳолда қувиб ўтиш имконига эга бўлади.
Қайд этилишича, бу қанчалик яхши ғоя бўлмасин, қўшимча харажатлар талаб қилиши туфайли уни ҳақиқий йўлларда амалга ошириш амри маҳол. Ҳолбуки, статистика бўйича йўл-транспорт ҳодисаларининг 80 фоизи айнан қувиб ўтишдаги эҳтиётсизлик туфайли содир бўлади.
Изоҳ (0)