Ҳиндистон шимолидаги Уттар-Прадеш штатида рўй берган йўл-транспорт ҳодисаси оқибатида камида 17 киши ҳалок бўлди, 30 киши тан жароҳати олди. Бу ҳақда ТАСС хабар бермоқда.
Авария Харчандпур қишлоғи яқинида юз берган. Юк машинаси зиёратчиларни олиб кетаётган тиркамали икки тракторга бориб урилган. Ҳалок бўлганлар орасида 12 нафар аёл ва беш нафар бола борлиги айтилмоқда.
Жабрланувчиларнинг барчаси яқин орадаги касалхоналарга етказилган, улардан баъзиларининг аҳволи жуда оғир. Дастлабки маълумотларга кўра, ЙТҲга юк машинаси ҳайдовчиси тезликни оширгани сабаб бўлган.
Ҳиндистон йўл-транспорт ҳодисаларидаги ўлим ҳолатлари сони бўйича жаҳонда биринчи ўринда туради. 2011 йили мамлакат йўлларидаги авариялар сабаб 140 мингга яқин киши, 2012 йили 150 мингдан ортиқ одам ҳалок бўлган.
Изоҳ (0)