Mercedes-Benz компанияси ҳайдовчисиз юрадиган автомобиль яратиш йўлида транспорт воситасини бошқаришни ўз қўлига олувчи технологияларни ишлаб чиқишда давом этмоқда, деб ёзади «3dnews.ru».
Mercedes-Benz’нинг car2go автомобилни қисқа муддатга ижарага бериш сервиси ва Bosch компанияси ҳамкорликда машинани масофадан туриб автоматик равишда парковка қилдириш технологиясини ишлаб чиқмоқчи. Янги тизим автотураргоҳда жой қидириш, у ерга автомобилни қўйиш ва эгасига қайтаришни мустақил равишда амалга ошириши кўзда тутилмоқда.
Бунда ҳайдовчи рулда бўлиши шарт эмас. У транспорт воситасидан маълум масофада туриб смартфон ёрдамида буйруқ бериши мумкин.
Ушбу тизим учун Bosch датчик, камера каби ускуналарни ишлаб чиқади, Mercedes-Benz эса уларни car2go машиналарига ўрнатади.
Бундай технология қачон муомалага киритилиши хабар берилмаяпти.
Изоҳ (0)