Jaguar Land Rover компанияси мобил телефон орқали масофадан туриб бошқарса бўладиган Range Rover Sport прототипини намойиш этди. Birmingham Post нашри хабарига кўра, махсус илова-дастур автомобиль ғилдиракларини буриш, олдинга ва орқага ҳаракатлантириш имконини беради.
Илова-дастур интерфейси ўйинга ўхшаса-да, энг мураккаб вазиятларда ҳақиқий автомобилни бошқариш имконини беради. Ишлаб чиқарувчи компания тахминича, мазкур йўл оғир йўл шароитларида ва автомобилни автотураргоҳга қўйишда айниқса қўл келади.
Илова-дастур ишлаши учун автомобиль ва телефон оралиғидаги масофа 10 метрдан ошмаслиги керак. Фойдаланувчи ишчи доирадан ташқарига чиқса, автомобиль тўхтаб қолади. Шунингдек, ташқарида турган ҳайдовчи автомобилга жуда яқин келса ҳам илова-дастур ишдан тўхтайди. Ҳар иккала чеклов ҳам хавфсизлик нуқтаи назаридан жорий этилган.
Маълумот учун, автотураргоҳда ақлли тўхташнинг биринчи тизими 2011 йили Audi компанияси томонидан тақдим этилганди.
Изоҳ (0)