Кардиффдаги Уэлс қироллик полкининг янги байроғи тақдимоти вақтида Буюк Британия қироличаси Елизавета II махсус ишлаб чиқилган Range Rover State Review махсус йўлтанламас-кабриолетида майдондан ўтди. Nur.kz’нинг хабар беришича, автомобиль Jaguar Land Rover компанияси томонидан тантанали равишда қироличага топширилган.
Автомобиль йўлтанламаснинг узун VIP-версияси негизида ишлаб чиқилган. Автомобиль қуввати 340 от кучи бўлган дизель-электр двигатель билан таъминланган. Автомобильнинг энг юқори тезлиги соатига 218 километрга тенг бўлиб, 6,9 сонияда 100 километр тезликка эриша олади.
Мазкур автомобиль State Review сериясидаги тўртинчи машина ҳисобланади. Уларнинг дастлабкиси 1953 йили ишлаб чиқарилган.
Изоҳ (0)