Rossiya futbol ittifoqi o‘z rasmiy sayti orqali Rossiya terma jamoasi bosh murabbiyi Fabio Kapelloning keyingi taqdiri borasida rasmiy bayonot berdi, deb xabar qiladi “Gazeta.ru”.
“Fabio Kapelloning Rossiya milliy terma jamoasidan ketishi mumkinligi haqida kecha paydo bo‘lgan xabarlar yuzasidan Rossiya futbol ittifoqi shuni ma’lum qiladiki, ayni vaqtda bu masala bo‘yicha rasmiy qaror qabul qilinmagan.
Ushbu masala RFI kollegial organi (ijroqo‘m, ijroqo‘m byurosi)ning tez orada o‘tkaziladigan majlisida qabul qilinadi. Qo‘shimcha ma’lumotlar paydo bo‘lgan taqdirda, u darhol RFIning rasmiy saytida e’lon qilinadi”, — deyiladi bayonotda.
Oldinroq Rossiya sport vaziri Vitaliy Mutko Kapelloni Rossiya termasi murabbiyligidan bo‘shatishga qaror qilgani xabar berilgandi. Agar Kapello ishdan ketadigan bo‘lsa, uning o‘rnini SSKA bosh murabbiyi Leonid Slutskiy egallashi mumkin.
Izoh (0)