Шимолий Кореяга ташриф буюрадиган чет элликликлар 3G интернетдан фойдаланиш имконидан маҳрум бўлди. Бу ҳақда Шимолий Корея интернет оператори – Koryolink маълум қилди, дея хабар бермоқда RBC.ru.
Шимолий Корея фуқаролари цензурадан ҳоли ташқи интернетдаги деярли фойдалана олмайди. Бироқ яқин вақтгача чет элликларда 3G интернет учун SIM-карта сотиб олиш имкони мавжуд эди.
Reuters’нинг Koryolink’га яқин манбаси маълумотига кўра, мобил тармоққа чиқиш имкони 12 июнь куни, Пхеньяндаги Koryo Hotel’да юз берган ёнғиннинг эртасига вақтинча ўчирилган. Меҳмонхонадаги ёнғин билан 3G хизмати ўртасида қандай боғлиқлик борлиги ҳозирча номаълум.
Аҳоли сони 24 миллион бўлган Шимолий Кореяда ҳозирги вақтда 2,5 миллиондан ортиқ мобил алоқа абонентлари бор.
Изоҳ (0)