UzMobile Миллий мобил алоқа оператори «Ўзбекэнерго» ЭНҲАТ тизимига уланган объектлар учун М2М секторининг оптимал ечими сифатида махсус «ЭНҲАТ GSM» тариф режаси амал қилишини эълон қилди.
«ЭНҲАТ GSM» тариф режасига уланиш бепул, SIM-карта нархи уланишдаги абонент тўловига киритилган. абонент тўлови ойига $ 1,5 бўлиб, маълумотлар узатиш (VPN) киритилган трафик лимити 100 Мегабайтдан фойдаланиш имконини беради, лимитдан ташқари бир мегабайт нархи — $0,07.
Тариф режа фақат «Ўзбекэнерго» ЭНҲАТ (Электр энергияси назорати ва ҳисоблаш автоматлаштирилган тизими) тизимига уланган объектлар учун тақдим этилади. Интернет ва ташқи тармоққа чиқиш блокировкаланган. Уланиш фақат IP-манзил бўйича маълумотлар узатиш йўли билан амалга оширилади. Агар абонент хизматни ҳисобот ойи мобайнида фаоллаштирса (тўлов киритилиши йўли билан), абонент тўлови фаоллаштирилган вақтдан ойнинг қолган кунларига нисбатан ҳисобига олинади.
Мазкур ечим энергия ресурсларининг сарфи ҳақида автоматлашган мониторинг тизими доирасида маълумотларни ҳимояланган ҳолда узатилишини кўзда тутади. Энергия ресурслари истеъмоли ҳисоблагичлари маълумотларини узлуксиз равишда, энергия ресурсларини ҳисобга олиш марказий тизими серверига узатишни таъминлайди. Алоқа каналлари бўйича маълумотларни узатиш дарҳол содир бўлади, шу сабабли ҳисоб максимал аниқликда амалга ошади. Бу энергия ресурсларини етказиб беришни самарали режалаштириш имконини беради, демак – энергиянинг тежалишини яхшилайди, йўқотишларни қисқартиради ва ёнилғини тежаб қолади, етказиб беришда бошқача режалаштириш имконини беради. Мутахассислар баҳосига кўра, шундай ечимлардан фойдаланувчи кўплаб мамлакатларда, энергия ресурсларини техник ҳисоблашларнинг автоматлаштирилган тизимини жорий этилиши энергия истеъмолини сезиларли даражада камайтиради.
Маълумот учун. ЭНҲАТ – «Ўзбекэнерго» давлат акциядорлик компанияси жорий этаётган электр энергиясининг назорати ва ҳисобининг автоматлаштирилган тизими. Дастурнинг мақсади тижорат йўқотишларини камайтириш ва мамлакат энергетик балансини бошқаришни яхшилашдан иборат. Бунга ҳисоб ва назорат тизимини яхшилаш ҳамда ҳисобларни олиб чиқиш, шунингдек, тижорат бошқарув тизими сифатини ошириш орқали эришилади.
Дастур энергия тармоқлари корхоналари тўловларининг йиғилиш даражасини оширади, бу эса уларнинг молиявий барқарорлиги ва фойдаланишда самарадорлигининг ошишига олиб келади. Шунингдек, бу нархи ҳамда электр энергияси истеъмоли бўйича очиқ ва адолатли маълумотлар етказилишини таъминлайди. Бундан ташқари, бу истеъмолчиларга электр энергиясидан янада самарали фойдаланишга ёрдам беради. Натижада узоқ муддатли режада энергия йўқотилишини камайтиришга ёрдам беради, бу эса ўз навбатида, атроф муҳит муҳофазасида углерод чиқиндиларининг камайтиришига ёрдам беради.
Изоҳ (0)