АҚШнинг Флорида штатидаги катта йўлда юк машинасининг ағдарилиши натижасида қум акуласи ҳалок бўлди. Бу ҳақда Segodnya.ua хабар бермоқда.
Штат полициясининг маълум қилишича, юк машинаси ичида бир ярим метрлик акулалар бўлган бешта аквариумни олиб кетаётган бўлган.
Йўлда машинанинг ғилдираги тешилиб, йўл ёқасига ағдарилган. Натижада аквариумлардан бири синиб, унинг ичидаги акула ҳодиса жойида ҳалок бўлган.
Қутқарувчилар гуруҳи қолган тўрт акулани бошқа юк машинасига ортган ва улар белгиланган манзилга эсон-омон етиб олган.
Изоҳ (0)