АҚШ президенти Барак Обама 10 июнь, чоршанба куни Американинг Беларусга қарши санкцияларининг амал қилиш муддатини яна бир йилга узайтирди, дея хабар бермоқда «РИА Новости» Оқ уйга таяниб.
Хабарда айтилишича, санкциялар 2006 йилда «сиёсий репрессиялар билан боғлиқ инсон ҳуқуқлари бузилиши, жумладан (одамлар) ҳибсга олиниши ва йўқолиб қолиши, шунингдек коррупция, жумладан Беларусь давлат активларининг нотўғри ишлатилиши ёки уларнинг давлат органи томонидан нотўғри қўлланилиши» туфайли киритилган.
Конгресс аъзоларига юборилган билдиришномаларда Обама Беларусь ҳукумати баъзи аъзоларининг хатти-ҳаракатлари ва сиёсати демократик жараёнлар ёки институтларга путур етказишини эслатади. АҚШ президенти таъкидлашича, бундай хатти-ҳаракатлар «АҚШ миллий хавфсизлиги ва ташқи сиёсатига ғайриоддий хатар солади» ва айнан шу санкциялар учун сабаб бўлиб хизмат қилган.
Санкциялар амал қилишининг аввалги муддати 2015 йил 16 июнда тугаши керак эди.
Санкциялар кўрсатилган шахсларнинг Америка банкларидаги ҳисоблари ёпилиши, уларнинг АҚШга келиши тақиқланиши, Америка компаниялари улар билан ҳамкорлик қилиши ман этилишини назарда тутади.
Изоҳ (0)