НАТО Бишкекда ўз ваколатхонасини очишни режалаштирмоқда. Бу ҳақда, НАТОнинг Марказий Осиё мамлакатлари билан алоқалар бўйича раҳбари Александр Винниковга асосланиб, Knews.kg хабар бермоқда.
«Ҳозирги вақтда бундан икки йил аввал бу ерда жорий этаётган лойиҳаларимиз бўйича янада изчил ва яқиндан ишлаш мақсадида Тошкентда очилган НАТО ваколатхонасининг Бишкекдаги бўлимини очиш имкониятлари ҳақида сўз бормоқда», - деди Александр Винников.
НАТОнинг Тошкентдаги ваколатхонаси раҳбарининг сўзларига кўра, мазкур бўлимни очиш ҳақидаги битим Қирғизистон раҳбарияти билан 2011 йилдаёқ келишиб қўйилганди.
«Мен қандайдир ўзгаришни сезганим йўқ, чунки бугун ваколатхона очиш масаласи кўрилаётгани йўқ. Бу келажакда бўлиши мумкин. Ваколатхона қачон очилиши айтиш қийин, чунки бу НАТО бош қароргоҳига қарорига боғлиқ, у эса, ўз навбатида, кўплаб омиллардан келиб чиқиб қарор қабул қилади», - деди Винников, Қирғизистоннинг Евроосиё иқтисодий иттифоқига қўшилганидан сўнг муносабатлар совуқлашгани сезилмоқдами, қабилида берилган саволга.
НАТО ваколатхонаси раҳбарининг қўшимча қилишича, НАТО ва Қирғизистон ўртасидаги ҳарбий ҳамкорликда пасайиш сезилаётгани йўқ, аксинча, бу борада Қирғизистон томонидан фаоллик кузатилмоқда.
Изоҳ (0)