КХДР: Жанубий Корея Шимол ва Жануб ўртасидаги муаммоларни мустақил ҳал қилиши керак

КХДРнинг фикрича, Жанубий Корея Шимол ва Жануб ўртасидаги муносабатлар масаласини мустақил равишда ҳал қилиши керак. ТАССнинг хабар беришича, бу ҳақда КХДРнинг Кореяларни тинч йўл билан бирлаштириш қўмитаси вакили маълум қилган.

Унинг сўзларига кўра, Жанубий Корея ҳукумати «АҚШнинг Пхеньянга қарши душманчилик сиёсатини кўр-кўрона кўчиришни тўхтатиши, Шимол ва Жануб ўртасидаги муаммоларни фақатгина корейс миллий ҳаракатлари билан аввал маъқулланган қўшма декларациялар асосида ҳал қилиши керак».

Шунингдек, қўмита талабига кўра, Сеул «КХДРга қарши қаратилган ҳарбий машғулотларни бас қилиши керак». «Жанубий Корея ҳукумати КХДР билан алоқаларни яхшилашга интилишни сўзда эмас, амалда намойиш этиши керак», - дея қайд этди қўмита вакили.

Баёнотда қайд этилишича, ҳозирча «Жанубий Корея ҳукуматининг КХДР билан муносабатларни қайта тиклаш ҳақида ўйлашга ҳаққи йўқ». Қўмита вакилининг сўзларига кўра, Жанубий Корея президенти Пак Кин Хэ «КХДРнинг ижтимоий тузумини булғаш, Пхеньянни мулоқотни бошлашни истамаётганликда айблаб, жамоатчиликни чалғитиш учун исталган имкониятдан фойдаланмоқда». КХДР вакилининг сўзларига кўра, бундай сиёсат «ташқи кучлар кўмагида Шимолдаги ватандошлар билан муносабатларни кескинлаштиришга қаратилган», холос.

Жанубий Корея ҳокимияти тепасига Ли Мён Бак бошчилигидаги консерватив ҳукумати келганидан сўнг, Шимол ва Жануб ўртасидаги муносабатлар совуқлашиб кетганди. КХДРнинг фикрича, Жанубий Кореянинг амалдаги президенти Пак Кин Хэ олиб бораётган сиёсат аввалги давлат раҳбарининг ҳаракатларидан кўп ҳам фарқ қилмайди.