Гана пойтахти Аккрада автомобилларга ёқилғи қуйиш шохобчасида юзага келган портлаш натижасида 100 дан ортиқ одам ҳаётдан кўз юмди, деб хабар беради «News.tj».
Қутқарувчилар ҳалок бўлганларнинг жасадларини шохобчадан олиб кетмоқда. Аммо маҳаллий госпитал бўш жой қолмаганлиги учун жабрланган ва вафот этганларни қабул қила олмаслигини маълум қилди.
Аккрада узоқ вақт шаррос ёмғир ёғди ва маҳаллий аҳоли бу офатдан қутилиш учун ёқилғи қуйиш шохобчасига беркинганди. Жала қутқариш ишларига ҳам халақит қилмоқда.
Айни вақтда шаҳарнинг 4 миллион аҳолиси электр таъминотисиз қолган. Мамлакат президенти Жон Драмани Маҳама воқеа жойига етиб келган.
Изоҳ (0)