Америкалик Жим Кули қизини кутиб олиш учун Жоржия штатидаги Атланта Халқаро аэропортига чиққанида ўқланган автоматни ўзига ҳамроҳ қилди, деб хабар беради ТАСС. АҚШ Федерал қидирув бюроси бу иши билан Кули ҳеч қандай қонунни бузмаганини қайд этди.
Кули автомати борлигини яширмаган ва уни бўйнига осиб олганди. У ҳаво бандаргоҳида қурол билан бемалол сайр қилди ва қўнган йўловчиларни кутиш залига кирди. Ўша ерда у хавфсизлик ходимлари эътиборини тортди.
«Қурол менга хавфсизлик юзасидан кераклигини тушунтирдим, — деди Кули журналистларга. — Нима бўлишини ҳеч қачон билмайсан». У штат қонунларига кўра, жамоат жойларида ўқланган қурол билан пайдо бўлишга ва зарур ҳолатда ундан фойдаланишга ҳақли эканлигини айтди.
Кули ҳеч қандай қаршиликсиз қизини қарши олди ва у билан бир нечта суратга тушди.
2014 йилда Жоржияда қабул қилинган қонунга кўра, баъзи фуқароларга қурол билан жамоат жойларига, шу жумладан аэропорт, бар, мактаб ва черковга киришга рухсат этилган.
Изоҳ (0)