5 нафар олим нуфузли «Шао Прайз» мукофотини қўлга киритди. Мукофотни 2002 йилда гонконглик мультимиллионер ва медиамагнат Шао Ифу таъсис этган, деб хабар қилади ТАСС.
Астрономия соҳасидаги мукофот NASA’нинг Эймс тадқиқотлар марказида ишловчи Уильям Борукига берилди. У Ер каби сайёраларни қидиришга мўлжалланган «Kepler» космик телескопи билан ишловчи етакчи тадқиқотчилардан бири ҳисобланади.
Тиббиёт соҳасидаги мукофотни Принстондан Бонни Бесслер ва Вашингтон Университетидан Питер Гринберга қўлга киритди.
Математика соҳасида германиялик Герд Фолтингс ва унинг америкалик ҳамкасби Хенрик Иваньец қайд этилди. Улар сонлар назариясининг янги усулларини ўйлаб топди, бу эса математика соҳасида узоқ вақтдан бери ечилмай келаётган муаммоларни ҳал қилишга олиб келди.
«Шао Прайз»нинг пул мукофоти ҳар бир соҳа учун 1 миллион долларни ташкил этади. Лауреатлар пул мукофотини тенг бўлишиб олади. Тақдирлаш маросими 24 сентябрь куни Гонконгда бўлиб ўтади.
Мукофот тарихида ҳозиргача 65 та олим тақдирланган. Унинг асосчиси Шао Ифу 2014 йилда 106 ёшида вафот этди.
Изоҳ (0)