Кимё бўйича Нобель мукофоти совриндори Ирвин Роуз 2 июнь, сешанба куни 89 ёшида вафот этди, дея хабар бермоқда ТАСС унинг ўғли Говардга таяниб.
Америкалик олим Массачусетс штатидаги Дирфилд шаҳрида ўғли Фредерикнинг уйида уйқусида вафот этди.
Кимё бўйича Нобель мукофоти Роузга 2004 йилда берилган эди. У ушбу мукофотни ҳужайраларнинг ҳимоя функциялари, шунингдек уларнинг оқсилларни аниқлаш ва қайта ишлаш хусусиятларига боғлиқ тадқиқотлари учун ўз ҳамкасблари билан баҳам кўрган эди.
Ушбу илмий изланишлар натижалари саратонга қарши курашда ёрдам берувчи қатор дориларни ишлаб чиқиш имконини берди.
Изоҳ (0)