Ҳиндистонда ёмғир чақириш ва мўл ҳосил олишни таъминлаш учун эркакнинг боши олинди, деб хабар қилади «Восточний Экспресс».
Қурбонлик маросими мамлакат шарқидаги Жаркханд штатида содир этилди. 55 ёшли Тхепа Карийнинг жасади унинг ўз уйидан топилди. Полиция маълумотига кўра, 31 май куни эркак ўлдирилган, унинг боши эса олиб кетилган.
Қотилликни «мудкатва» сектаси тарафдорлари содир этганлиги тахмин қилинмоқда. Бу гуруҳ қурбонларнинг бошини узиб олиб, ёмғир чақириш ва мўл ҳосилга эришиш учун шоли майдонларига кўмиб қўяди. Тартиб посбонлари уларга қарши кампанияни бошлади.
«Мудкатва» оқими Жаркхандда бир неча юз йиллардан бери мавжуд. Штатда бошни танасидан жудо қилиш ҳоллари тез-тез кузатиб турилади. Маҳаллий аҳоли кейинги қурбон ўзи бўлмаслиги учун улардан шикоят қилмасликни маъқул кўради.
Изоҳ (0)